Böyük ədibin ev muzeyi bərpa edilir

Bu il Azərbaycan ədəbiyyatının görkəmli nümayəndəsi, böyük yazıçı, dramaturq, publisist və ictimai xadim Cəlil Məmmədquluzadənin anadan olmasından 155 il ötür.

Bu münasibətlə Azərbaycanın Gürcüstandakı səfirliyinin də təşəbbüsü və dəstəyi ilə böyük ədibin Tbilisidə yaşayıb yaratdığı evin bərpasına başlanılıb. 

Qeyd edək ki, bununla bağlı səfirlik Tbilisi meriyası ilə uzun müddətdir danışıqlar aparırdı.Nəhayət, razılığa gəlinib. Bu ilin fevralında bərpa işlərinə başlanılıb. Avqustda başa çatması planlaşdırılan bərpa-bərkitmə işlərindən sonra təmirə start veriləcək.