Novruzun ilk müjdəçisi

Su çərşənbəsində su mənbələri təzələnir, arxlar qaydaya salınır, su hövzələrində abadlıq işləri görülür, su ilə bağlı müxtəlif rituallar həyata keçirilir.

Su çərşənbəsində hələ gün doğmamış hamı su üstünə gedir, əl-üzünü yuyur, bir-birinin üzərinə su atır, su üstündən atlanır. 

Xalqın inamına görə, Su çərşənbəsi günü "təzə su"dan keçənlər, il boyu xəstəlikdən uzaq olarlar. Su təmizlik və saflıq rəmzi, həyatın başlanğıcı sayılır. Bu çərşənbədə süfrəyə təmiz su qoymaq və ailə üzvlərinin ondan içməsi məsləhət görülür. 

İlk çərşənbəniz xeyir-uğur, sağlıq və bərkət gətirsin hər birinizə!