Aleksandr Rıbak Bakıda konsert verib

Dünyaca məşhur Belarus-Norveç ifaçısı Aleksandr Rıbak ötən gün Bakıda ilk dəfə olaraq konsert verib.

Heydər Əliyev sarayında keçirilən musiqili gecəyə çox sayda tamaşaçı axın edib. 37 yaşlı sənətçi rus və ingilis dillərində sevilən mahnılarını səsləndirib.

Aleksandr saray səhnəsində tək olmayıb. Bir neçə ifadan sonra əməkdar artist Sabina Babayeva Rbaka tərəf müqabilliyi edib. Maraqlısı odur ki, 2 saatlıq konsertin cəmi 30 dəqiqəsində Rıbak, qalan vaxtda isə Babayeva çıxış edib. Bu səbəbdən tamaşaçıların bir çoxu konserti tez tərk ediblər. Üstəlik əvvəlcədən müsahibə söz verən dünya ulduzu, media qarşısına çıxmayıb. Sonradan məlum olub ki, o həmin vaxt ərzində kulisdə pul müqabilində fanatları ilə fotolar çəkdir. Konsertin xəyal qırıqlığı ilə yanaşı musiqili gecədə bir neçə  libas dəyişən Sabina Babayevanın iddialı amma qeyri-estetik geyimi də müzakirələrə səbəb olub.