Filmlərimiz 54-cü Tampere Beynəlxalq Film Festivalında

Mədəniyyət Nazirliyinin dəstəyi ilə “Debüt” studiyasında çəkilmiş “İki gün”, “Mozalan” studiyasında çəkilmiş “İkinci planetin qırmızı rəngi” qısametrajlı bədii filmləri martın 6-dan 10-dək Finlandiyada keçirilən 54-cü Tampere Beynəlxalq Film Festivalında iştirak edir.

“Böyük Qayıdış” müsabiqəsinin qalibləri olaraq ərsəyə gələn və 44 günlük Vətən müharibəsinə həsr edilmiş filmlərdən “İki gün” Tampere festivalının əsas müsabiqə proqramında, “İkinci planetin qırmızı rəngi” filmi isə “Cənubi Qafqaz nümayişləri” proqramında ölkəmizi təmsil edir.

Qeyd edək ki, Tampere Film Festivalı Amerika Kino Akademiyasının "Oscar" mükafatına klassifikasiyalı və Beynəlxalq Film İstehsalçıları Federasiyasına akkreditasiyalı, dünyanın nüfuzlu kino festivallarındandır.