Səhnəni onunla bölüşəcək

Xəbər verdiyimiz kimi, Azərbaycanı "Avroviziya 2024" mahnı müsabiqəsində Fəxri İsmayıl təmsil edəcək.

Fəxri səhnəyə tək çıxmayacaq. Onunla birlikdə səhnəni müğənni İlkin Dövlətov bölüşəcək. Bu haqda o, özü məlumat yayıb. 

İlkin beynəlxalq mahnı müsabiqəsində səsləndiriləcək mahnıda yer alan muğam hissəsini oxuyacaq. 

"Avropa, gözlə, muğam gəlir" deyə, İlkin bildirib. 

Qeyd edək ki, bu il yarışma İsveçin Malmö şəhərində keçiriləcək. Birinci və ikinci yarımfinallar 7 və 9 may tarixlərində, final isə 11 may 2024-cü ildə planlaşdırılıb. Təmsilçimiz birinci yarımfinalın ikinci hissəsində çıxış edəcək.

Azərbaycan təmsilçisi birinci yarımfinalda Ukrayna, Kipr, Polşa, Serbiya, Litva, Xorvatiya, İrlandiya, Sloveniya, İslandiya, Finlandiya, Portuqaliya, Lüksemburq, Avstraliya, Moldova iştirakçıları ilə yarışacaq.