Hacıbaba Hüseynovu xatırlayaq

Arzularının ardınca gedmək üçün əvvəl atası razı olmadı, sonra həyat ona icazə vermək istəmədi, daha sonra isə nəhayət layiq olduğu yerə gəlib çıxa bildi…

Söhbət Rast muğamımızın “Üşşaq” və “Hüseyni” şöbələrinin ilk ifaçısı, xalq artisti, özünəməxsus qəzəlxan Hacıbaba Hüseynovdan gedir.

Hacıbaba Hüseynov 105 il əvvəl bugün Bakını Çəmbərə kəndində dənizçi ailəsində dünyaya göz açıb. Gənc yaşlarından qəzələ, muğama həvəsi olan Hacıbaba bəyin bu istəyinə təəssüf ki, atası qəti şəkildə etiraz edir.

Bir müddət tornaçı kimi çalışan Hüseynov sonra toylarda nağara ifaçısı və nəhayət xanəndə kimi çıxış etməyə başlayıb.

Sənətkarı peşəkar səhnəyə  isə  baldızı Sara Qədimova cəlb edib. Amma ilk vaxtlar xanəndəni,  xarici görünüşü bəyənilmədiyi üçün efirə buraxmırlar.

Qəzəlxanın sənətində çiçəklənmə dövrü 70 yaşından sonra başlayır. O, əvvəlcə əməkdar artist, ardınca isə xalq artisti adına layiq görülüb qastrol səfərlərinə çıxır.

Çətin həyat yolu keçib amma yaddaşımıza həkk olmağı bacaran Hacıbaba Hüseynovu sevgi və hörmətlə anırıq.