"Bir yaz axşamı"

"Bir yaz axşamı"
Rəşid Behbudov adına Dövlət Mahnı teatrında “Cəngi” estrada folklor ansamblının təqdimatında "Bir yaz axşamı" adlı möhtəşəm konsert keçirildi.

1992-ci ildə məşhur caz ifaçısı Rafiq Babayev tərəfindən əsası qoyulan “Cəngi” qrupu 2002-ci ildən etibarən Xalq artisti Mircavad Cəfərovun rəhbərliyi ilə fəaliyyət göstərir. 


Xalq artisti ansamblın nəzdində muğam üçlüsü, folk və modern üslubunda rəqs ansamblı, caz triosu və təbii ki, uzun illərin zəhməti nəticəsində 2013-cü ildən etibarən 15 nəfərlik musiqi qrupu yaradıb.


Gurultulu alqışlarla keçən gecədə zal tamamilə dolu idi. Konsertə iştirak edən hər kəs "Cəngi" qrupunun möhtəşəmliyinin bir daha vurğunu oldu. 


Onu da qeyd edək ki, musiqi qrupu ,həmçinin, müxtəlif beynəlxalq festivallarda iştirak edərək milli sərvətimiz olan muğamın və cazın sintezini yeni çalarlarla, maraqlı improvizasiyalarla musiqisevərlərə çatdırır.