Xalq artisti 55 yaşına qədəm qoyur

Azərbaycanın Xalq artisti Gülyaz Məmmədova bugün 55 yaşına qədəm qoyur.

Həm sənətində kifayət qədər parlaq olmaq, həm də mehriban, canayaxın xüsusiyyətləri, səmimiyyəti ilə böyük tamaşaçı sevgisi qazanmaq hər kəsə nəsib olmur. O, həmin nadir sənətçilərdəndir.

Səhnəmizin sevilən xanəndəsi Şəkinin Böyük Dəhnə kəndində dünyaya göz açıb. Gülyaz xanım gənc yaşlarından musiqiyə bağlı olub. O, əvvəlcə Asəf Zeynallı adına Musiqi Texnikumunu, sonra isə Azərbaycan Dövlət Mədəniyyət və İncəsənət Universitetinin Xanəndəlik fakültəsini bitirib.

Qulaq dostu nəğmələri, opera səhnəmizdə canlandırdığı obrazları, çoxsaylı qastrol səfərləri, konsertləri və yetişdirdiyi davamçıları ilə Azərbaycan musiqi tarixinə adını böyük hərflərlə yazdırmağı bacaran sənətçini biz də doğum günü mnasibəti ilə ürəkdən təbrik edirik!