Mərhum aktyorun doğum günüdür

Bu gün mərhum Xalq artisti Kamal Xudaverdiyevin doğum günüdür.

O, biri-birindən bənzərsiz obrazlarla adını Azərbaycan teatr və kino tarixinə əbədi həkk edib. Çətin bir gənclik yaşayan Kamal bəy özü də deyirmiş ki, "Bizim Cəbiş müəllim” filmində təsvir olunan həyət, həyat mənim yaşadığım həyətlə və həyatla eynidir. 

K.Xudaverdiyev "Almaz”da İbad, "Aydın”da Surxay, "Yalan”da Fərman , "Vaqif” də Eldar, "Mahnı dağlarda qaldı”da Bahadır, "Bağlardan gələn səs”də Kamandar, "İblis”də İbn Yəmin kimi xarakterik rolların ifaçısı olub.

Görkəmli sənətkar teatr və kino yaradıcılığındakı səmərəli fəaliyyətinə görə 1982-ci ildə Əməkdar artisti, 1991-ci ildə isə Xalq artisti fəxri adlarına layiq görülüb.

Tanınmış aktyor 2008-ci il aprelin 23-də vəfat edib.