Aygünün klipi trendə düşüb - FOTO

Xalq artisti Aygün Kazımova türkiyəli müğənni-bəstəkar Genco Ecerlə duet şəklində oxuduğu "Maşallah" mahnısını və klipini bir neçə gün əvvəl təqdim edib.

Pop kraliça bu dəfə klipdən kadrarxası məqamları bölüşüb. Müğənni ekran işində yaratdığı ən maraqlı və çətin obrazının hazırlıq məqamlarını yayımlayıb. 

Obrazı yaratmaq üçün uzun hörüklərdən istifadə edilib. Həmin kadrlar çəkilən zaman Kazımovanın saçları saatlarla asılı vəziyyətdə qalıb. Meduza Qorqona obrazını xatırladan görünüş ekran işində ən yaddaqalan nüanslardan olub. 

Xatırladaq ki, DMC musiqi şirkəti imzası ilə işıq üzü görən klip iki gün içində yutubda trendə düşüb.