Sara Qədimovanın 102-ci ildönümüdür - VİDEO

Şirin, məlahətli və ecazkar səsi ilə milyonlarla insanın könlünü oxşayan görkəmli sənətkar Xalq artisti Sara Qədimovanın anadan olmasının 102-ci ildönümü tamam olur.

Sara Qədimovanın sənətkar kimi yetişməsində Hüseynqulu Sarabski, Xan Şuşinski, Seyid Şuşinski kimi qüdrətli ustadların böyük təsiri olub. O, öz sələflərinin layiqli davamçısı olaraq ömrünün sonuna kimi klassik ifaçılıq ənənələrinə sadiq qalıb.

Onun ifa etdiyi "Bayatı-Şiraz", "Şur", "Şahnaz", "Qatar", "Mahur-hindi", "Xaric segah" muğamları, müxtəlif Azərbaycan xalq mahnıları ifaçılıq sənəti tariximizə qızıl hərflərlə yazılıb. Müğənninin ifasında "Qarabağ şikəstəsi" isə Azərbaycan musiqisi tarixində özünəməxsus yer tutur.

Görkəmli sənətkar 2005-ci il mayın 12-də dünyasını dəyişib.