III Türk Dünyası Ədəbiyyat və Kitab Festivalı keçirilib

Azərbaycan Milli Elmlər Akademiyasının Əsas binasının önündəki Elmlər Akademiyası parkında III Türk Dünyası Ədəbiyyat və Kitab Festivalı keçirilib.

Festival Azərbaycan Mədəniyyət Nazirliyi, Azərbaycan Yazıçılar Birliyi, Milli Məclisin Mədəniyyət komitəsi, TÜRKSOY, Türk Mədəniyyəti və İrsi Fondu, AMEA, Bakı Şəhər İcra Hakimiyyəti, Beynəlxalq Türk Akademiyası, TİKA və başqa qurumların dəstəyi ilə təşkil olunub.

Tədbirdə şair-publisist, Azərbaycan Yazıçılar Birliyinin üzvü, həmçinin, Quba bölməsinin sədri, "Azərbaycan bayrağı" şeirinin və "Vətən" poemasının müəllifi 

Ramiz Qusarçaylı da iştirak edib.

Ramiz Qusarçaylı tədbirdə ərazi bütövlüyümüz, bərpa olunan ərazilərimiz, qaytarılan 4 kənd və qaytarılacaq kəndlər barədə öz mövqeyini bildirib.

Həmçinin, festival iştirakçıları zəngin yaradıcıllığa malik olan Ramiz Qusarçaylının əsərlərinə müraciət edərək, onun şeirlərini səsləndiriblər. 

Azərbaycanın gənc vokalisti, FHN -nin orkestrinin solisti Anar İLhamlı "Azərbaycan bayrağı" şeirinə bəstələdiyi mahnını ifa edib. Onu da qeyd edək ki, Ramiz Qusarçaylının 1 şeirinə 7 musiqi bəstələnib.

Festival ədəbi-bədii kompozisiyalarla davam etdirilib.

Xatırladaq ki, festival mayın 24-dən 31-dək davam edib.