Yüz yaşlı Məlik Dadaşovu xatırlayaq

Həm dramatik və faciə xarakterli obrazlarda, həm də lirik-psixoloji rollarda böyük uğur qazanan xalq artisti Məlik Dadaşovun anadan olmasının 100-cü ildönümü tamam olur.

Məlik Dadaşov teatrda onlarla obraza səhnə həyatı verib, elə kinoda da yaddaqalan, maraqlı rollar yaradıb.

Görkəmli aktyor “Birisi gün, gecəyarısı”, “O dünyadan salam”, “Fəryad”, “Hacı Qara” kimi filmlərdə də yaddaqalan və maraqlı obrazlara ekran həyatı verib.“Ölülər”dəki Şeyx Nəsrullah rolunu o, dəfələrlə Azərbaycan Dövlət Akademik Milli Dram Teatrının səhnəsində oynayıb.

Görkəmli aktyor 1996-cı il dekabrın 2-də 72 yaşında dünyasını dəyişsə də, onun verdiyi dəyərli töhfələr  hər zaman onu  yaddaşlarda saxlayacaq, unudulmağa qoymayacaq.