Qroznıda beynəlxalq festival-müsabiqə keçiriləcək

Noyabrın 13-dən 16-dək Qroznıda SSRİ Xalq artisti Müslüm Maqomayevin xatirəsinə həsr edilmiş beynəlxalq festival-müsabiqə keçiriləcək.

Çeçenistan Dövlət Filarmoniyasının mətbuat xidmətindən yayılan məlumata görə, burada xarici ölkələrdən və Rusiyanın regionlarından vokalçılar iştirak edəcəklər.

"Orfey" festival-müsabiqəsi hər il keçirilən tədbirə çevrilib. Yeddinci "Orfey" yenidən Çeçenistan Dövlət Filarmoniyasında keçiriləcək.

Bildirilir ki, müsabiqə "Mədəniyyət" milli layihəsi çərçivəsində keçirilir. Bu il onun ümumi mükafat fondu 670 min rubl (təxminən 12 min manat) təşkil edəcək.