Bakıda COP29-un rəsmi açılış mərasimi - FOTO+VİDEO

Bakıda BMT-nin İqlim Dəyişikliyi üzrə çərçivə Konvensiyasının Tərəfləri Konfransının 29-cu sessiyasının (COP29) rəsmi açılış mərasimi keçirilib.

Mərasimi COP28 sədri, Birləşmiş Ərəb Əmirliklərinin (BƏƏ) sənaye və qabaqcıl texnologiyalar naziri Sultan Əhməd Əl-Cabiri açıb.

Sonra COP29-un seçilmiş sədri Muxtar Babayev, ardınca BMT-nin İqlim Dəyişmələri üzrə Çərçivə Konvensiyasının icraçı katibi Saymon Stil çıxış ediblər.

 

 

 

 

12:07

"İqlim dəyişmələrinin qarşısının alınması səylərini sürətləndirmək üçün beynəlxalq karbon bazarlarının fəaliyyətə başlaması zəruridir".

Bu barədə BMT-nin İqlim Dəyişmələri üzrə Çərçivə Konvensiyasının icraçı katibi Saymon Stil Bakıda BMT-nin İqlim Dəyişmələri üzrə Çərçivə Konvensiyasının Tərəfləri Konfransının 29-cu sessiyasının (COP29) açılışında bildirib.

"Məhz burada, Bakıda, Paris Sazişinin 6-cı maddəsinə dair razılaşmanı tamamlamaqla beynəlxalq karbon bazarlarının fəaliyyətinə başlamalıyıq", - S.Stil vurğulayıb.

11:44

COP-da sədrlik Azərbaycana təhvil verildi.

COP29 tədbirinin rəsmi açılış mərasimində ilk olaraq COP28 sədri, Birləşmiş Ərəb Əmirliklərinin (BƏƏ) sənaye və qabaqcıl texnologiyalar naziri Sultan Əhməd Əl-Cabiri çıxış edib.

O, çıxışında COP-da sədrliyi Azərbaycana təhvil verib və COP29-un sədri seçilməsi münasibətilə Azərbaycanın ekologiya və təbii sərvətlər naziri Muxtar Babayevi təbrik edib.

11:19

Bu gün Bakıda BMT-nin İqlim Dəyişikliyi üzrə çərçivə Konvensiyasının Tərəfləri Konfransının 29-cu sessiyası (COP29) işinə başlayıb.

Hazırda COP29 tədbirinin rəsmi açılış mərasimi keçirilib. (Oxu.az)