Zəfər Gününə özəl "Zəfər" kolleksiyası - FOTO
Məşhur modelyer-dizayner, Azərbaycan, Türkiyə və Rusiyada çalışan Aygün Ağamalıdan xəbər var.
Modelyer Zəfər Gününə özəl "Zəfər" kolleksiyasını təqdim edib. Kolleksiyada biri-birindən fərqli dizayn olunmuş, zəfər çalarlarını üzərində cəmləyən, habelə milli ornamentlərin ruhunu daşıyan geyimlər yer alıb. Ümumilikdə, Aygün Ağamalının "Zəfər" kolleksiyasında 30 geyim yer alıb.
Geyimlərin təqdimat mərasimi şəhər məkanlarının birində baş tutub. Gecədə bir çox sənət və iş adamları, media nümayəndələri, məşhur simalar yer alıblar.
"Zəfər" kolleksiyasının təqdimat günü eyni zamanda Aygün Ağamalının doğum günü nə təsadüf edib.
Qeyd edək ki,məşhur modelyer-dizayner 2021-ci ildə ilk dəfə olaraq "Xarı bülbül" adlı geyimini təqdim edib. Bu geyim Fransa, Rusiya, Türkiyə, Moldova, İtaliya və Vyanada təqdim edilib.
