“Bacımla bağlı xəbərlərə adımın yazılması qeyri-peşəkarlıqdır” – Aybəniz

Əməkdar artist Aybəniz Haşımova bacısı Şahnazın vəzifəsindən uzaqlaşdırılması barədə açıqlama verib.



Muztv.az-ın məlumatına görə, müğənni bacısıyla fotosunu İnstaqram səhifəsində paylaşıb.



O, şəklə “Azərbaycanın Xalq artisti, Prezident təqaüdçüsü Şahnaz Haşımovanın Gəncə Dövlət Filarmoniyasının direktoru vəzifəsindən azad olunması haqqında xəbərlər yazırlar. Məsəlinin maraqlı tərəfi odur ki, bəzi saytlar Şahnazı xalq artistindən daha çox mənim bacım kimi qabartmağa çalışır və xəbərin sərlövhəsinə qeyri-peşakar başlıqlar çıxarırlar. Şahnaz xanım səhnədə olanda mən heç dünyaya gəlməmişdim.Onunla bağlı xəbərin başlığına mənim adımın yazılması qeyri-peşəkarlıq və qərəzdən irəli gəlir. Qeyd edim ki, Şahnaz xanım dünən yox bir neçə ay bundan əvvəl səhhətiylə bağlı problemlərə görə öz ərizəsiylə vəzifədən ayrılıb. Hətta bəzi saytların dediyinə inansaq belə, burda təəccüblü heçnə yoxdur. Vəzifə əbədi deyil, dostlar” şərhini qeyd edib.