Tolik: "Guya siz ölməyəcəksiniz?"

Xalq artisti İlhamə Quliyevanın ölümündən 1 il ötür.

Muztv.az-ın big.az-a istinadən verdiyi məlumata görə, bu münasibətlə prodüser Tarix Əliyevin (Tolik) təşkilatçılığı ilə "Təzə Pir" məscidində yas mərasimi keçirilir.

Tolik İ.Quliyevanın anım günündə bir çox məşhurların iştirak etməməsindən gileylənib: "Mənim İlhamə Quliyevaya borcum yoxdur, ona yalnız vəfa borcum var. Çünki məni Röya ilə o tanış edib. Gördüyünüz kimi, İ.Quliyevanın yasına az adam gəlib. Onlar arasında şou-biznes nümayəndələri barmaqla sayılacaq qədərdir. Buradan həmin sənət adamlarına üzümü tutub deyirəm: Guya siz ölməyəcəksiniz? İlhamə Quliyeva sağ olanda ad günü mərasimləri təşkil edirdi. Hamı mənə yalvarırdı ki, nə olar, İlhamə xanım məni də çağırsın. İndi elə deyənlərin çoxu yasa gəlməyib. İnanın, qorxuram. Fikirləşirəm ki, mən öləndə də belə olacaq? Şou-biznes adamlarına yaxşılıq yoxdur, vallah".

Qeyd edək ki, yas mərasimində Xatun Əliyeva, Günay İbrahimli, Elit star Cəmilə, Firuzə İbadova kimi məşhurlar iştirak edib.