Azərbaycanlı xoreoqrafdan tətil sürprizi
Martın 28-dən aprelin 2-dək Sankt-Peterburq Dövlət Akademik Mariya Teatrının Primorsk səhnəsində “Mariya Teatrında tətillər” layihəsi həyata keçiriləcək.
MuzTv.az teatrın saytına istinadən xəbər verir ki, layihə çərçivəsində A.Adanın “Jizel”, P.Çaykovskinin “Şelkunçuk” baletləri nümayiş etdiriləcək.
Hər iki səhnə əsərinin quruluşçu xoreoqrafı azərbaycanlı balet ustası Eldar Əliyevdir. Bakıda doğulan E.Əliyev Bakı Xoreoqrafiya Məktəbini bitirib, 1979-1992-ci illərdə Mariya Teatrının aparıcı solisti olub. Sonralar ABŞ-ın “Ballet Internationale” truppasına rəhbərlik edib. O, Praqa, Seul, Nyu-York və Pekində keçirilən beynəlxalq balet müsabiqələrinin münsiflər heyətinin üzvü, həmçinin Çinin Şenyan Dövlət Konservatoriyasının fəxri professorudur. E.Əliyev ötən il Rusiya Dövlət Akademik Mariya Teatrının Primorsk səhnəsinin baş baletmeysteri təyin edilib.
MuzTv.az teatrın saytına istinadən xəbər verir ki, layihə çərçivəsində A.Adanın “Jizel”, P.Çaykovskinin “Şelkunçuk” baletləri nümayiş etdiriləcək.
Hər iki səhnə əsərinin quruluşçu xoreoqrafı azərbaycanlı balet ustası Eldar Əliyevdir. Bakıda doğulan E.Əliyev Bakı Xoreoqrafiya Məktəbini bitirib, 1979-1992-ci illərdə Mariya Teatrının aparıcı solisti olub. Sonralar ABŞ-ın “Ballet Internationale” truppasına rəhbərlik edib. O, Praqa, Seul, Nyu-York və Pekində keçirilən beynəlxalq balet müsabiqələrinin münsiflər heyətinin üzvü, həmçinin Çinin Şenyan Dövlət Konservatoriyasının fəxri professorudur. E.Əliyev ötən il Rusiya Dövlət Akademik Mariya Teatrının Primorsk səhnəsinin baş baletmeysteri təyin edilib.