Azərbaycan musiqiçiləri Ankarada Novruz bayramı tədbirində çıxış ediblər - fotolar

Beynəlxalq Türk Mədəniyyət Təşkilatı (TÜRKSOY), Türkiyənin Mədəniyyət və Turizm Nazirliyi, eləcə də Ankaranın Keçiörən Bələdiyyəsinin birgə təşkilatçılığı ilə Novruz bayramı, eyni zamanda Türkiyə ilə Azərbaycan və Mərkəzi Asiya türkdilli dövlətləri arasında diplomatik münasibətlərin yaradılmasının 25-ci ildönümünə həsr olunan bayram mərasimi keçirilib.
Muztv.az AZƏRTAC-a istinadən xəbər verir ki, tədbirdə çıxış edən Türkiyənin xarici işlər nazirinin müavini Əhməd Yıldız və Keçiörən Bələdiyyəsinin sədri Mustafa Ak bu iki mühüm hadisənin birgə qeyd edilməsinin bayram sevincini ikiqat artırdığını bildiriblər.
Daha sonra Türkiyənin Mədəniyyət və Turizm Nazirliyinin Türk Dünyası Musiqi Topluluğu ansamblının müxtəlif ölkələrdən gələn sənətçilərlə birgə çıxışları olub.
Orta Asiya türkdilli dövlətləri, eləcə də Rusiya Federasiyasındakı türkdilli xalqların nümayəndələrinin təqdim etdikləri musiqi nömrələri salonda əsl bayram əhval-ruhiyyəsi yaradıb. Azərbaycandan gələn incəsənət ustalarının çıxışı isə tamaşaçılar tərəfindən xüsusi rəğbət və alqışlarla qarşılanıb. Bir-birini əvəzləyən maraqlı ifa və rəqslər qədim türk mədəniyyətinin bütün zənginliyini nümayiş etdirib.
Azərbaycanın TÜRKSOY-dakı nümayəndəsi Elçin Qafarlı məlumat verib ki, təmsil olunduğu qurum digər türkdilli ölkələrdə də Novruz mərasimləri təşkil edəcək.
Muztv.az AZƏRTAC-a istinadən xəbər verir ki, tədbirdə çıxış edən Türkiyənin xarici işlər nazirinin müavini Əhməd Yıldız və Keçiörən Bələdiyyəsinin sədri Mustafa Ak bu iki mühüm hadisənin birgə qeyd edilməsinin bayram sevincini ikiqat artırdığını bildiriblər.
Daha sonra Türkiyənin Mədəniyyət və Turizm Nazirliyinin Türk Dünyası Musiqi Topluluğu ansamblının müxtəlif ölkələrdən gələn sənətçilərlə birgə çıxışları olub.
Orta Asiya türkdilli dövlətləri, eləcə də Rusiya Federasiyasındakı türkdilli xalqların nümayəndələrinin təqdim etdikləri musiqi nömrələri salonda əsl bayram əhval-ruhiyyəsi yaradıb. Azərbaycandan gələn incəsənət ustalarının çıxışı isə tamaşaçılar tərəfindən xüsusi rəğbət və alqışlarla qarşılanıb. Bir-birini əvəzləyən maraqlı ifa və rəqslər qədim türk mədəniyyətinin bütün zənginliyini nümayiş etdirib.
Azərbaycanın TÜRKSOY-dakı nümayəndəsi Elçin Qafarlı məlumat verib ki, təmsil olunduğu qurum digər türkdilli ölkələrdə də Novruz mərasimləri təşkil edəcək.