Əcnəbi tələbələr Səməd Vurğunun ev-muzeyində

Əcnəbi tələbələr Səməd Vurğunun ev-muzeyində
UNEC-in əcnəbi tələbələri Səməd Vurğunun ev-muzeyində olublar.

Universitetin mətbuat xidmətindən MuzTv.az-a verilən məlumata görə, şairin nəvəsi, “Gənclər üçün Prezident Mükafatının laureatı”, Fransanın “Ecole Normale de Musique de Paris - Alfred Cortot” Musiqi Akademiyasının tələbəsi Vurğun Vəkilov tələbələrə muzey haqqında ətraflı məlumat verib.

 Onları yeni yaradılan “60-cılar nəsli” ekspozisiyası ilə tanış edib. Burada nümayiş edilən ötən əsrin 60-cı illərinin görkəmli nümayəndələrinin portretləri, Xalq Rəssamı Səttar Bəhlulzadənin tablosu, Xalq Şairi Vaqif Səmədoğlunun çəkdiyi rəsmlər, 60-cı illərdə yazdığı “Samizdat” adı ilə çıxan şeirləri, o illərdə dəbdə olan məişət əşyaları əcnəbi tələbələrin marağına səbəb olub.