5 qitənin 2000 aşpazı bir arada – Siyahıda Bakı da var

5 qitənin 2000 aşpazı bir arada – Siyahıda Bakı da var
Bakıda “Fransanın dadı” adlı fransız qastronomiya günləri keçiriləcək.

Muztv.az Azərtca istinadən xəbər verir ki, məlumatı Fransanın Azərbaycandakı səfiri Orelia Buşez verib.  Onun sözlərinə görə, qastronomiya günləri aprelin 5-dən 15-nə qədər davam edəcək.Bu tədbirin Azərbaycanda artıq üçüncü dəfədir keçirildiyini qeyd edən diplomat deyib: “Tədbir bu il əvvəlki illərə nisbətən daha yüksək səviyyədə təşkil olunub. Əsas məqsəd Fransa qidalarını təbliğ etmək və qastronomiya ilə mədəniyyətlər arasında bağlılığı nümayiş etdirməkdir”. Səfir qeyd edib ki, bu tədbir Azərbaycanda fəaliyyət göstərən 4 restoranla əməkdaşlıq şəklində həyata keçiriləcək və müəyyən edilmiş günlərdə aşpazlar fransız mətbəxi nümunələrini ziyarətçilərə təqdim edəcəklər. 

Qeyd edək ki, “Goût de-Good France” tədbirinin üçüncü buraxılışı qastronomiya bayramını qeyd etmək üçün 5 qitə üzrə 2000-dən artıq aşpazı bir araya gətirir. Bu bayram fransız mətbəxinin mükəmməlliyini, yenilik bacarığını və bunlara bağlı dəyərləri - paylaşmağı, zövqü, məhsulların keyfiyyətinə diqqəti, yemək mədəniyyətini və ətraf mühitə hörməti tanıtmaq üçün bir fürsətdir.