Teymur əminin doğum günüdü

Teymur əminin doğum günüdü
Bu gün xalq artisti  Teymur Mustafayevin 78 yaşı tamam olur.

MuzTv.az xəbər verir ki, 10 aprel 1939-cu ildə Cəlilabad rayonunda doğumlu müğənni Azərbaycan Dövlət Musiqi Məktəbində təhsil alıb.

Seyid Şuşinski və  Əhməd Bakıxanov kimi sənətçilərdən dərs alan sənətçi  sonralar Azərbaycan Dövlət Mədəniyyət və İncəsənət Universitetində təhsilini davam etdirib. 1964-cü ildən Azərbaycan Dövlət Filarmoniyasının solistidir. 1978-ci ildən Azərbaycan Dövlət Konsert Birliyində, 1998 ci ildən Muğam Teatr-ında fəaliyyət göstərir. Teymur Mustafayevin repertuarı muğam və təsniflərdən, xalq və bəstəkar mahnılarından ibarətdir. “Qəti qorxusu yoxdur” sözü dillərdə əzbər olan xalq artisti Teymur Mustafayev “Teymur əmi” (2002), “Muğanın Sarvanı” (2002), “Bitməyən ömür” (2013) filmlərində iştirak edib.