Naibə Allahverdiyeva: ”Ölüm xəbərimi yaydılar”

Naibə Allahverdiyeva: ”Ölüm xəbərimi yaydılar”
Əməkdar artist, aktrisa Naibə Allahverdiyeva sosial şəbəkədəki paylaşımı ilə gündəmi zəbt edib. 

Muztv.az xəbər verir ki, aktrisa instagram hesabında şəklini paylaşaraq onun ölüm xəbərini yayanlara səslənib:
“Bəzi saytlar mənim ölüm xəbərimi yaydı. Nə məqsədlə, kimin sifarişi ilə bilmirəm. Buna sevinənlər də oldu, kədərlənənlər də. Amma hər kəs bilir ki, ömrü verən də, alan da Allahdır. Esas odur ki, bu ömrü dəyanətlə yaşayasan. Özündən sonra azacıq da olsa bir iz qoyub gedəsən. Əgər mən bugün sənətimlə bir çox insanların qəlbinə yol tapıb sevgi qazanmışamsa, deməli, bu həyatı boş yaşamamışam. Dünyaya gəldiyim gündən həyat məni çox sınağa çəkdi. Vurdu, sürüdü, yıxdı, yaraladı, amma qəlbimdən insanlara qarşı sevgi-mərhəməti ala bilmədi. Qəlbimi kin-kidurətlə doldura bilmədi, buna görə xoşbəxtəm. Mənim ölüm xəbərimi eşidib sevinənlərə demək istəyirəm ki, heç kim xəstəlikdən, ölümdən sığortalanmayıb. Bir gün sizin də qapınızı döyə bilər. Amma sizə onu arzu etmirəm. Allah sizi hidayət etsin, qəlblərinizə mərhəmət hissi bəxş etsin! ”