Şou-biznes nümayəndələri dostluğa inanır? - sorğu 

ATV telekanalında Yusif Ağayevin aparıcılığı ilə yayımlanan “10-dan sonra” proqramında müğənnilər “Şou-biznesdə dostluq varmı?” sualını cavablandırıb. 

Gülyanaq Məmmədova:

“Heç biri ilə dost-sirdaş deyiləm. Mənim bu sənət aləmində ən yaxın sirdaşım elə bacım Gülyaz Məmmədovadır!”

Könül Kərimova:

“Çətin xarakterli insanların dostu olmaz. Yəni, kim o sözü deyirsə, yəqin günah onun özündədir.”

İlkin Əhmədov:

“Hamısını qeyd eləmək olmaz. Təyyar Bayramov, Babək Niftəliyev, Ehtiram Hüseynov, Elton Hüseynəliyev, Samir Piriyevlə dostluq edirik”.

Mətanət Əsədova:

“ Mənim uşaqlıqdan rəfiqəm olmayıb. Çünki mən o sözə inanmıram. Heç kimə də qarışmıram.”

Vasif Məhərrəmli:

“Problemi hər kəs özündə axtarsa, hər şey düzələr”.

Zöhrə Abdullayeva:

“Bu sahədə səmimi dostluq yoxdur. Yola vermək var”.

Fədayə Laçın:

“Mən heç biri ilə yaxın münasibətdə deyiləm. Darıxanda əlaqə saxlayaq, dərdləşək, zəngləşək- yoxdur bu sənətdə!”

Elza Seyidcahan:

“Elə insan var ki, insan kimi yaxşıdır. Amma sənətdə mənim dostum ola bilməz”.

Sahib İbrahimov:

“Əsl dosta onda dost deyəcəm ki, mən ucalanda o sevinə bilsin".