Alim Qasımovun rol aldığı "Öldürmə, ana" klipinin təqdimatı keçirildi
Nizami Kino Mərkəzində xalq artisti Alim Qasımovun “Öldürmə Ana” klipinin təqdimat mərasimi reallaşıb.
Muztv.az xəbər verir ki, klipin rejissoru və mahnının musiqi və sözlərinin müəllifi Elçin Elxanlıdır.
Klip abort əleyhinə çağırış ruhunda hazırlanıb.
“Aydınlığa doğru” İctimai Birliyində TİKA-nin (Türk Əməkdaşlıq və Koordinasiya Agentliyi), Ailə, Qadın və Uşaq Problemləri üzrə Dövlət Komitəsinin dəstəyi ilə “Ailə Akademiyası” layihəsi çərçivəsində ərsəyə gələn klipdə Alim Qasımov, Fərqanə Qasımova, Tünzalə Ağayeva, Samira, Samir Salam və eləcə də Bənövşə uşaq xoru iştirak edib.
Tədbirdə iştirak edən əməkdar artist Vəfa Zeynallı da öz təəssüratlarını bölüşüb:
“Bu layihədə iştirak edən hər kəsi təbrik edirəm. Düşündürücü və təsiredici layihədir. Bütün valideynləri bir daha düşünməyə vadar edir. Mənim fikrimcə, bu layihədə az da olsa təsirlənsələr, hər şey daha yaxşı olacaq”.
Klipdə rol alan müğənni Samira Allahverdiyeva da ekran əsəri barədə danışıb:
"Bu klip insanlara, valideynlərə çağırışdır ki, kasıbçılıqdan, ağılsızlıqdan yanlış addım atmasınlar. İnsan cahil olmamalıdır, maariflənməlidir. Hər şeyə çarə var, abort etdirərək günaha batmasınlar”.
Millət vəkili Qənirə Paşayeva da tədbir barədə öz fikirlərini bölüşüb:
“Klipin bütün televiziyalarımızda yayımlanmasını istəyirik. Klip bizim cəmiyyətin maariflənməsi üçün çəkilib. Əsas mövzu cinsi seleksiyadır, qız övladlarının ana bətnində qız olduqları üçün qətlə yetirilməsidir. Artıq ailədə qız övladı varsa, ikinci övlad oğlan yox, qızdırsa onu qətlə yetirmək istəyi yaranır. Məsələdə ən günahsız olan insan anadır. Ata, ailə, cəmiyyət bunların hamısının ana üzərində basqısı ananın bu addımı atmasına səbəb olur. Cinsi seleksiya belə davam etsə, cəmiyyətimizdə kişilərin sayı çoxalacaq, qadınların sayı isə azalacaq. Cinsi seleksiya dinə, mənəviyyata görə günahdır”.
Millət vəkili klip barədə kiçik iradını da bildirib: “Nəqarət hissədə “Öldürmə ana” hissəsinə atanı, nənəni, babanı, cəmiyyəti əlavə etmək lazımdır. Ananı buna onlar vadar edir”.
Alim Qasımovun qızı Fərqanə Qasımova klip barədə fikirlərini bölüşüb:
“Müəlliflər tərəfindən layihəyə dəvət olunduq. Layihə həqiqətən də hüquqi bir cəmiyyətdə qlobal problemdir. Mən də bir ana kimi, bir vətəndaş kimi bu layihədə iştirak etməyi özümə borc bildim. Mənə elə gəlir ki fikrimizi bölüşə bilmişik. Biz analarımıza səslənirik. Övladlarımızı dünyaya gətirək. Onları ölməyə qoymayaq. Biz öz övladlarımıza öz əlimizlə zərbə vurmayaq. Bizim mesajımız budur ”.
Qeyd edək ki, təqdimatda “Ailə Akademiyası” layihəsi çərçivəsində hazırlanmış müxtəlif sosial çarxlar nümayiş etdirilib.
Muztv.az xəbər verir ki, klipin rejissoru və mahnının musiqi və sözlərinin müəllifi Elçin Elxanlıdır.
Klip abort əleyhinə çağırış ruhunda hazırlanıb.
“Aydınlığa doğru” İctimai Birliyində TİKA-nin (Türk Əməkdaşlıq və Koordinasiya Agentliyi), Ailə, Qadın və Uşaq Problemləri üzrə Dövlət Komitəsinin dəstəyi ilə “Ailə Akademiyası” layihəsi çərçivəsində ərsəyə gələn klipdə Alim Qasımov, Fərqanə Qasımova, Tünzalə Ağayeva, Samira, Samir Salam və eləcə də Bənövşə uşaq xoru iştirak edib.
Tədbirdə iştirak edən əməkdar artist Vəfa Zeynallı da öz təəssüratlarını bölüşüb:
“Bu layihədə iştirak edən hər kəsi təbrik edirəm. Düşündürücü və təsiredici layihədir. Bütün valideynləri bir daha düşünməyə vadar edir. Mənim fikrimcə, bu layihədə az da olsa təsirlənsələr, hər şey daha yaxşı olacaq”.
Klipdə rol alan müğənni Samira Allahverdiyeva da ekran əsəri barədə danışıb:
"Bu klip insanlara, valideynlərə çağırışdır ki, kasıbçılıqdan, ağılsızlıqdan yanlış addım atmasınlar. İnsan cahil olmamalıdır, maariflənməlidir. Hər şeyə çarə var, abort etdirərək günaha batmasınlar”.
Millət vəkili Qənirə Paşayeva da tədbir barədə öz fikirlərini bölüşüb:
“Klipin bütün televiziyalarımızda yayımlanmasını istəyirik. Klip bizim cəmiyyətin maariflənməsi üçün çəkilib. Əsas mövzu cinsi seleksiyadır, qız övladlarının ana bətnində qız olduqları üçün qətlə yetirilməsidir. Artıq ailədə qız övladı varsa, ikinci övlad oğlan yox, qızdırsa onu qətlə yetirmək istəyi yaranır. Məsələdə ən günahsız olan insan anadır. Ata, ailə, cəmiyyət bunların hamısının ana üzərində basqısı ananın bu addımı atmasına səbəb olur. Cinsi seleksiya belə davam etsə, cəmiyyətimizdə kişilərin sayı çoxalacaq, qadınların sayı isə azalacaq. Cinsi seleksiya dinə, mənəviyyata görə günahdır”.
Millət vəkili klip barədə kiçik iradını da bildirib: “Nəqarət hissədə “Öldürmə ana” hissəsinə atanı, nənəni, babanı, cəmiyyəti əlavə etmək lazımdır. Ananı buna onlar vadar edir”.
Alim Qasımovun qızı Fərqanə Qasımova klip barədə fikirlərini bölüşüb:
“Müəlliflər tərəfindən layihəyə dəvət olunduq. Layihə həqiqətən də hüquqi bir cəmiyyətdə qlobal problemdir. Mən də bir ana kimi, bir vətəndaş kimi bu layihədə iştirak etməyi özümə borc bildim. Mənə elə gəlir ki fikrimizi bölüşə bilmişik. Biz analarımıza səslənirik. Övladlarımızı dünyaya gətirək. Onları ölməyə qoymayaq. Biz öz övladlarımıza öz əlimizlə zərbə vurmayaq. Bizim mesajımız budur ”.
Qeyd edək ki, təqdimatda “Ailə Akademiyası” layihəsi çərçivəsində hazırlanmış müxtəlif sosial çarxlar nümayiş etdirilib.