Habil Əliyevin anadan olmasının 90 illiyinə həsr olunmuş xatirə gecəsi – fotolar
Mayın 30-da Beynəlxalq Muğam Mərkəzində milli musiqi sənətinin görkəmli nümayəndəsi, məşhur kamança ustası, Xalq Artisti Habil Əliyevin anadan olmasının 90 illiyinə həsr olunmuş xatirə gecəsi keçirilib.
Muztv.az Azərtac-a istinadən xəbər verir ki, tədbirdə Habil Əliyevin həyat və fəaliyyətindən bəhs edən videoçarx nümayiş olunub.
Gecənin aparıcısı Əməkdar İncəsənət Xadimi İlham Rəhimli tədbiri açıq elan edərək Habil Əliyevin Azərbaycan musiqi sənətinin inkişafında xidmətlərindən danışıb.
Bildirib ki, muğam ifaçılığı ənənələrinin və xalq musiqisinin saflığının qorunmasını həyatı boyu öz sənət fəaliyyətinin başlıca qayəsi hesab etmiş Habil Əliyev Azərbaycanın milli mənəvi və mədəni dəyərlərinin həqiqi təəssübkeşi idi. Onun milli mədəniyyətə xidmətin parlaq nümunəsi olan sənət yolu gənc musiqiçilər nəsli üçün əsil məktəbdir.
Tədbirdə Xalq Artisti Firəngiz Əlizadə vurğulayıb ki, ötən əsrin 50-ci illərinin sonunda böyük sənət aləminə qədəm qoyduğu ilk vaxtlardan geniş dinləyici auditoriyasının məhəbbətini qazanan Habil Əliyev qısa müddət ərzində qədim Azərbaycan musiqi aləti kamançada xalq mahnılarının, muğam və təsniflərin nadir istedada malik yaradıcı ifaçısı kimi şöhrət tapıb.
Bildirilib ki, Habil Əliyev muğam kompozisiyalarının yaradıcısı və improvizasiya ustası idi. Geniş repertuarlı musiqiçi Azərbaycan xalqının milli sərvəti sayılan “Segah”, “Şur”, “Çahargah”, “Rast”, “Mahur”, “Zəminxarə”, “Bayatı-Qacar”, “Bəstənigar” muğamlarının yeni ifa tərzini formalaşdıraraq novatorluqla ənənənin sintezinə nail olub.
Tədbir daha sonra konsert proqramı ilə davam edib.
Konsertdə Xalq artistləri Aygün Bayramova, Mənsum İbrahimov Əməkdar Artist Ehtiram Hüseynov və başqaları muğam və təsniflər ifa edib.
Muztv.az Azərtac-a istinadən xəbər verir ki, tədbirdə Habil Əliyevin həyat və fəaliyyətindən bəhs edən videoçarx nümayiş olunub.
Gecənin aparıcısı Əməkdar İncəsənət Xadimi İlham Rəhimli tədbiri açıq elan edərək Habil Əliyevin Azərbaycan musiqi sənətinin inkişafında xidmətlərindən danışıb.
Bildirib ki, muğam ifaçılığı ənənələrinin və xalq musiqisinin saflığının qorunmasını həyatı boyu öz sənət fəaliyyətinin başlıca qayəsi hesab etmiş Habil Əliyev Azərbaycanın milli mənəvi və mədəni dəyərlərinin həqiqi təəssübkeşi idi. Onun milli mədəniyyətə xidmətin parlaq nümunəsi olan sənət yolu gənc musiqiçilər nəsli üçün əsil məktəbdir.
Tədbirdə Xalq Artisti Firəngiz Əlizadə vurğulayıb ki, ötən əsrin 50-ci illərinin sonunda böyük sənət aləminə qədəm qoyduğu ilk vaxtlardan geniş dinləyici auditoriyasının məhəbbətini qazanan Habil Əliyev qısa müddət ərzində qədim Azərbaycan musiqi aləti kamançada xalq mahnılarının, muğam və təsniflərin nadir istedada malik yaradıcı ifaçısı kimi şöhrət tapıb.
Bildirilib ki, Habil Əliyev muğam kompozisiyalarının yaradıcısı və improvizasiya ustası idi. Geniş repertuarlı musiqiçi Azərbaycan xalqının milli sərvəti sayılan “Segah”, “Şur”, “Çahargah”, “Rast”, “Mahur”, “Zəminxarə”, “Bayatı-Qacar”, “Bəstənigar” muğamlarının yeni ifa tərzini formalaşdıraraq novatorluqla ənənənin sintezinə nail olub.
Tədbir daha sonra konsert proqramı ilə davam edib.
Konsertdə Xalq artistləri Aygün Bayramova, Mənsum İbrahimov Əməkdar Artist Ehtiram Hüseynov və başqaları muğam və təsniflər ifa edib.