Gənc bəstəkarın əsəri dünya premyerasında - fotolar
Gənc bəstəkar Arzu Abbasovanın “Qütb ulduzu” əsəri dünya premyerasında nümayiş olunub.
Muztv.az Azərtac-a istinadən xəbər verir ki, Kraquyevaçda 14-cü Beynəlxalq “Donne in Musica” (“Qadınlar musiqidə”) müsabiqəsi keçirilib. “Qadınlar Musiqidə” Cəmiyyəti tərəfindən təşkil olunan tədbirdə gənc musiqiçilər, musiqi məktəblərinin şagirdləri və incəsənət fakültəsinin tələbələri iştirak edib.
Gənc azərbaycanlı bəstəkar Arzu Abbasovanın “Qütb ulduzu” adlı kompozisiyasının dünya premyerası müsabiqənin diqqət mərkəzində olub.
Əsəri professor Vladimir Koxun rəhbərliyi altında Mitroviç incəsənət fakültəsinin tələbələri - skripkaçılar Ana Radosavlyeviç və Miliçsa Mladenoviç ifa edib.
Gənc və istedadlı bəstəkar tərəfindən bəstələnmiş “Qütb ulduzu” əsəri 2016-cı ilin noyabrında Nyu-Yorkda keçirilən “MuSE”(Multicultual Sonic Evalution) gənc bəstəkarların IV beynəlxalq müsabiqəsində 1-ci yer tutub və “Sounds of Arts Festival” daxilində Secret Theatre in Long Island City-də tanınmış musiqiçilər tərəfindən səsləndirilib.
Qeyd edək ki, “Donna in Musica” müsabiqəsinə ilk dəfə Arzu Abbasova 2015-ci ildə qatılıb və böyük uğura imza atıb.
Serbiyada keçirilən və 100-dən çox ölkənin iştirak etdiyi müsabiqədə, müəllif müxtəlif nominasiyalar üzrə 3 əsəri ilə qalib olub.
Gənc bəstəkar “Cənnət lövhələri” adlı proqramlı süitasına görə müsabiqənin “Gənc və perspektivli bəstəkarı” adını qazanıb.
Arzu Abbasova ADA Universitetinin Beynəlxalq Münasibətlər fakültəsinin 1-ci kurs tələbəsidir.
Muztv.az Azərtac-a istinadən xəbər verir ki, Kraquyevaçda 14-cü Beynəlxalq “Donne in Musica” (“Qadınlar musiqidə”) müsabiqəsi keçirilib. “Qadınlar Musiqidə” Cəmiyyəti tərəfindən təşkil olunan tədbirdə gənc musiqiçilər, musiqi məktəblərinin şagirdləri və incəsənət fakültəsinin tələbələri iştirak edib.
Gənc azərbaycanlı bəstəkar Arzu Abbasovanın “Qütb ulduzu” adlı kompozisiyasının dünya premyerası müsabiqənin diqqət mərkəzində olub.
Əsəri professor Vladimir Koxun rəhbərliyi altında Mitroviç incəsənət fakültəsinin tələbələri - skripkaçılar Ana Radosavlyeviç və Miliçsa Mladenoviç ifa edib.
Gənc və istedadlı bəstəkar tərəfindən bəstələnmiş “Qütb ulduzu” əsəri 2016-cı ilin noyabrında Nyu-Yorkda keçirilən “MuSE”(Multicultual Sonic Evalution) gənc bəstəkarların IV beynəlxalq müsabiqəsində 1-ci yer tutub və “Sounds of Arts Festival” daxilində Secret Theatre in Long Island City-də tanınmış musiqiçilər tərəfindən səsləndirilib.
Qeyd edək ki, “Donna in Musica” müsabiqəsinə ilk dəfə Arzu Abbasova 2015-ci ildə qatılıb və böyük uğura imza atıb.
Serbiyada keçirilən və 100-dən çox ölkənin iştirak etdiyi müsabiqədə, müəllif müxtəlif nominasiyalar üzrə 3 əsəri ilə qalib olub.
Gənc bəstəkar “Cənnət lövhələri” adlı proqramlı süitasına görə müsabiqənin “Gənc və perspektivli bəstəkarı” adını qazanıb.
Arzu Abbasova ADA Universitetinin Beynəlxalq Münasibətlər fakültəsinin 1-ci kurs tələbəsidir.