Həmvətənlərimizin əsərləri Luvrda “Art shopping” sərgisində - fotolar
İyunun 9-da Luvr muzeyinin Karusel salonunda 20-ci “Art Shopping” beynəlxalq müasir incəsənət sərgisi öz qapılarını sənətsevərlərin üzünə açıb.
Muztv.az xəbər verir ki, sərgidə 15 ölkədən 400 rəssam iştirak edir.
Ölkəmiz Əsmər Nərimanbəyova, Məryəm Ələkbərli və İrradiyyət Mirzoyeva kimi rəssamlar, həmçinin “Dəbz”, “deCamie” və “Can” atelyeləri ilə təmsil olunur.
Əməkdar rəssam Əsmər Nərimanbəyova sərgidə nümayiş olunan əsərlərində miniatür mövzulardan istifadə edib. Rəssamın əsərləri milli elementlərlə zəngindir və ekspressionist janrdadır.
İstedadlı gənc rəssam Məryəm Ələkbərlinin əsərləri artıq beşinci ildir Luvr muzeyinin Karusel sərgi salonunda sənətsevərlərin qəlbini oxşayır.
Sərgidə gənc rəssamın “Qaraçı”, “Gül dəstəsi”, “Həyat ağacı” kimi əsərləri nümayiş olunur.
Azərbaycan Rəssamlar İttifaqının üzvü Leyla Əliyeva əsərlərini MDB çərçivəsində nümayiş etdirsə də, bu, onun Avropa məkanında ilk sərgisidir. O, əsasən impressionist janrda mənzərələr çəkib.
Rəssamın “Azərbaycan təranələri”, “Cənnətdən cəhənnəmə”, “Kaspi”, “Şəhərimiz”, “Şollar” və ölkəmizdə keçirilmiş İslamiadaya həsr edilmiş əsərləri nümayiş olunur.
Elnarə Debirboeti “Art shopping”də “Dəbz” aksessuarlar sərgisi ilə iştirak edir. “Dəbz” aksessuarları artıq dünyanın bir çox ölkələrində tanınır. Sərgilənən aksessuarlar müasirliyi ilə ziyarətçilərin diqqətini cəlb edib.
“Art shopping”in ilk günündə ölkəmizin Fransadakı səfiri Elçin Əmirbəyov və UNESCO yanındakı daimi nümayəndəliyinin rəhbəri Anar Kərimov, eləcə də Parisdə yaşayan Azərbaycan icmasının üzvləri həmvətənlərimizin stendlərini ziyarət edib.
Muztv.az xəbər verir ki, sərgidə 15 ölkədən 400 rəssam iştirak edir.
Ölkəmiz Əsmər Nərimanbəyova, Məryəm Ələkbərli və İrradiyyət Mirzoyeva kimi rəssamlar, həmçinin “Dəbz”, “deCamie” və “Can” atelyeləri ilə təmsil olunur.
Əməkdar rəssam Əsmər Nərimanbəyova sərgidə nümayiş olunan əsərlərində miniatür mövzulardan istifadə edib. Rəssamın əsərləri milli elementlərlə zəngindir və ekspressionist janrdadır.
İstedadlı gənc rəssam Məryəm Ələkbərlinin əsərləri artıq beşinci ildir Luvr muzeyinin Karusel sərgi salonunda sənətsevərlərin qəlbini oxşayır.
Sərgidə gənc rəssamın “Qaraçı”, “Gül dəstəsi”, “Həyat ağacı” kimi əsərləri nümayiş olunur.
Azərbaycan Rəssamlar İttifaqının üzvü Leyla Əliyeva əsərlərini MDB çərçivəsində nümayiş etdirsə də, bu, onun Avropa məkanında ilk sərgisidir. O, əsasən impressionist janrda mənzərələr çəkib.
Rəssamın “Azərbaycan təranələri”, “Cənnətdən cəhənnəmə”, “Kaspi”, “Şəhərimiz”, “Şollar” və ölkəmizdə keçirilmiş İslamiadaya həsr edilmiş əsərləri nümayiş olunur.
Elnarə Debirboeti “Art shopping”də “Dəbz” aksessuarlar sərgisi ilə iştirak edir. “Dəbz” aksessuarları artıq dünyanın bir çox ölkələrində tanınır. Sərgilənən aksessuarlar müasirliyi ilə ziyarətçilərin diqqətini cəlb edib.
“Art shopping”in ilk günündə ölkəmizin Fransadakı səfiri Elçin Əmirbəyov və UNESCO yanındakı daimi nümayəndəliyinin rəhbəri Anar Kərimov, eləcə də Parisdə yaşayan Azərbaycan icmasının üzvləri həmvətənlərimizin stendlərini ziyarət edib.