Timur Əsgərov “Kralın əyləncəsi” baletində baş rolda çıxış edəcək

İyunun 24-də Sankt-Peterburq Dövlət Akademik Mariya Teatrında Jan-Filip Ramonun “Kralın əyləncəsi” baleti nümayiş olunacaq.

Muztv.az teatrın saytına istinadən xəbər verir ki, səhnə əsərində Kral obrazını həmvətənimiz Timur Əsgərov canlandıracaq.

Balet “Bəyaz gecənin ulduzları” XXV musiqi festivalı çərçivəsində nümayiş etdiriləcək.

Tamaşanın premyerası 2015-ci ildə Mariya Teatrında olub.