Azərbaycan Litvada keçirilən beynəlxalq festivalda təmsil olunub - fotolar

Azərbaycan Litvada keçirilən beynəlxalq festivalda təmsil olunub - fotolar
Xanəndə Könül Məmmədli, Ədalət Behbudov (tar) və Pərviz Fərhadov (kamança) ölkəmizi UNESCO-nun Litvada keçirdiyi “Lauks-Nos” festivalında təmsil edib.

Muztv.az Azərtac-a istinadən xəbər verir ki, festivalda Azərbaycan, Bolqarıstan, Estoniya, Gürcüstan, İspaniya, Xorvatiya, Latviya, Litva, Makedoniya və Ukrayna təmsilçiləri iştirak edib. 

Həmyerlilərimiz festivalda xalq və bəstəkar mahnılarını, muğamlarımızı səsləndirib.

Qeyd edək ki, muğam televiziya müsabiqəsinin laureatı Könül Məmmədli Azərbaycan Milli Konservatoriyasında təhsil alır. 

Respublika və beynəlxalq müsabiqələr laureatları Ədalət Behbudov Bakı Humanitar Kollecində, Pərviz Fərhadov isə Azərbaycan Milli Konservatoriyası və Respublika İncəsənət Gimnaziyasında müəllim işləyir.