Şəhriyarın “Heydərbabaya salam” poeması Tbilisidə gürcü dilində təqdim edilib - fotolar

İ.Cavaxişvili adına Tbilisi Dövlət Universitetində XX əsr Azərbaycan ədəbiyyatının görkəmli nümayəndəsi, Təbriz şəhərində Azərbaycan və fars dillərində yazıb-yaratmış şair Məhəmmədhüseyn Şəhriyarın “Heydərbabaya salam” poemasının gürcü dilinə tərcümə edilmiş kitabının təqdimat mərasimi keçirilib.

Muztv.az xəbər verir ki, tədbirdə iştirak edən ziyalılar, görkəmli şəxslər Şəhriyarın həyat və yaradıcılığı haqqında dəyərli fikirlərini bölüşüb. 

Azərbaycanlı və gürcü tələbələr poemadan parçaları Azərbaycan, gürcü və fars dillərində söyləyib.

Sonda “Heydərbabaya salam” poemasından bir parça M.Şəhriyarın lent yazısında səsləndirilib. 

İranın Gürcüstandakı səfirliyinin nümayəndəsi “Heydərbabaya salam” poemasını gürcü dilinə çevirən şair-tərcüməçi Oqtay Kazımova hədiyyə təqdim edib.