“ƏSA” teatrı 1 yaşını qeyd etdi
Sentyabrın 3-də Azərbaycanın, eləcə də böyük Qafqazın əlil aktyorlardan ibarət ilk teatrı olan “ƏSA”nın bir yaşı tamam oldu.
Muztv.az xəbər verir ki, yarandığı ilk günlər teatrın heyəti Orxan Adıgözəl, Nicat Qulam, Murad Məmmədov, Elvin Mirzəyev və Nihad Qulamzadədən ibarət olub. Beş nəfərlə fəaliyyətə başlayan teatr qısa müddətdə bir çox uğurlara imza atıb, eyni zamanda, sıralarını genişləndirib.
İlk olaraq səhnələşdirdiyi “DUMB” tamaşası ilə “ƏSA” teatrı özünü incəsənət aləmində təsdiqləyib və böyük tamaşaçı sevgisini qazanıb. Bu tamaşa yerli KİV-lərlə yanaşı, ən çox da beynəlxalq medianın diqqətini cəlb edib. Belə ki, tamaşa haqqında beynəlxalq media bir çox süjetlər hazırlayıb, yerli və xarici jurnalistlər məqalələr yazıblar.
Teatr öz fəaliyyəti ilə incəsənətin heç bir maneə tanımadığını, əlil insanların göründüyündən qat-qat güclü olduqlarını sübut edib. Teatrın fəaliyyəti Azərbaycanda və ölkəmizin xaricində yaşayan əlil insanlar üçün stimul mənbəyinə, motivasiyaya çevrilib. İlk tamaşadan sonra əlilliyi olan şəxslər aktyor kimi fəaliyyət göstərmək üçün teatra müraciət ediblər. Bütün bunları nəzərə alan “ƏSA” teatrı böyük bir aktyor heyətinin iştirak etdiyi tamaşa hazırlamaq qərarına gəlib. Müraciət əsasında teatra gəlmiş əlil şəxslər də bu tamaşada yer alıb. On beş aktyorun rol aldığı “Yuxum” adlı bu tamaşanın premyerasına beş gün qalmış bütün biletlər satılıb. Premyera günü 370 nəfərlik teatr zalında 450-dək tamaşaçı olub. Tamaşa, həmçinin dünya teatr tarixində ilk dəfə olaraq sinxron şəkildə işarət dili ilə tərcümə edilib.
Teatr birillik fəaliyyətində müxtəlif sosial layihələr də reallaşdırıb.
Muztv.az xəbər verir ki, yarandığı ilk günlər teatrın heyəti Orxan Adıgözəl, Nicat Qulam, Murad Məmmədov, Elvin Mirzəyev və Nihad Qulamzadədən ibarət olub. Beş nəfərlə fəaliyyətə başlayan teatr qısa müddətdə bir çox uğurlara imza atıb, eyni zamanda, sıralarını genişləndirib.
İlk olaraq səhnələşdirdiyi “DUMB” tamaşası ilə “ƏSA” teatrı özünü incəsənət aləmində təsdiqləyib və böyük tamaşaçı sevgisini qazanıb. Bu tamaşa yerli KİV-lərlə yanaşı, ən çox da beynəlxalq medianın diqqətini cəlb edib. Belə ki, tamaşa haqqında beynəlxalq media bir çox süjetlər hazırlayıb, yerli və xarici jurnalistlər məqalələr yazıblar.
Teatr öz fəaliyyəti ilə incəsənətin heç bir maneə tanımadığını, əlil insanların göründüyündən qat-qat güclü olduqlarını sübut edib. Teatrın fəaliyyəti Azərbaycanda və ölkəmizin xaricində yaşayan əlil insanlar üçün stimul mənbəyinə, motivasiyaya çevrilib. İlk tamaşadan sonra əlilliyi olan şəxslər aktyor kimi fəaliyyət göstərmək üçün teatra müraciət ediblər. Bütün bunları nəzərə alan “ƏSA” teatrı böyük bir aktyor heyətinin iştirak etdiyi tamaşa hazırlamaq qərarına gəlib. Müraciət əsasında teatra gəlmiş əlil şəxslər də bu tamaşada yer alıb. On beş aktyorun rol aldığı “Yuxum” adlı bu tamaşanın premyerasına beş gün qalmış bütün biletlər satılıb. Premyera günü 370 nəfərlik teatr zalında 450-dək tamaşaçı olub. Tamaşa, həmçinin dünya teatr tarixində ilk dəfə olaraq sinxron şəkildə işarət dili ilə tərcümə edilib.
Teatr birillik fəaliyyətində müxtəlif sosial layihələr də reallaşdırıb.