İçərişəhərdə açıq səma altında növbəti sərgi ziyarətçilər tərəfindən maraqla qarşılanıb

İçərişəhərdə açıq səma altında bir neçə gənc rəssamın sənət əsərlərindən ibarət sərgi açılıb. Sərgi “İçərişəhər” Dövlət Tarix-Memarlıq Qoruğu İdarəsinin dəstəyi və “Arts Council Azerbaijan”ın təşkilatçılığı ilə reallaşıb.

Muztv.az xəbər verir ki, “Art weekends in Icheri Sheher” layihəsi çərçivəsində təşkil olunan sərgidə fırça ustalarının 10-dan çox sənət əsəri ziyarətçilərin ixtiyarına verilib. Müxtəlif texnika ilə işlənmiş çoxsaylı sənət əsərinin də yer aldığı sərgi paytaxt sakinləri və şəhərimizin qonağı olan turistlər üçün nəzərdə tutulub. Sərgi maraqla qarşılanıb”, - deyə “Arts Council Azerbaijan” təşkilatının rəhbəri Dadaş Məmmədov söyləyib.

Qeyd edək ki, Layihə çərçivəsində hər həftənin şənbə və bazar günləri müxtəlif sərgilər təşkil edilir.