Tokioda Azərbaycan mədəniyyəti axşamı keçirildi
Tokio şəhərində Azərbaycan mədəniyyəti axşamı keçirilib.
Muztv.az xəbər verir ki, tədbirdə Tokioda yaşayan azərbaycanlı Sura Mirzəyeva ölkəmiz, onun coğrafi mövqeyi, dövlət atributları, zəngin mədəniyyəti və mətbəxi haqqında məlumat verib. Qeyd edib ki, öz keyfiyyəti ilə seçilən və bütün dünyada “Made in Azerbaijan” brendi ilə tanınan bir çox ərzaq məhsulları və içkilər artıq Yaponiya bazarında da özünə yer tutur.
Sonra tədbir iştirakçıları ilə birlikdə Azərbaycan mətbəxinin dadlı nümunələrindən olan küftə-bozbaş və kök salatı hazırlanıb. Qədim və zəngin Azərbaycan mətbəxinin bu nümunələrinin hazırlanması qaydası və lazım olan inqrediyentlər barədə yapon xanımlara ətraflı məlumat verilib. Daha sonra yapon xanımların iştirakı ilə hazırlanan küftə-bozbaş və kök salatı qonaqlara təqdim edilib. Yeməyin tamına baxanlar onun çox dadlı olduğunu və ilk dəfə belə bir yeməklə qarşılaşdıqlarını söyləyiblər. Yapon musiqiçisi Kiyoşi Ohira həmin axşam restoranın qonaqları üçün Azərbaycan milli musiqi alətləri olan tarda və sazda xalq və bəstəkar mahnılarını ifa edib.
Çıxış etməzdən əvvəl o, Azərbaycan musiqisi, milli alətlərimiz, o cümlədən tar və saz haqqında iştirakçılara məlumat verib. K.Ohiranın tarda səsləndirdiyi “Bayatı-Şiraz”, “Sarı gəlin”, sazda ifa etdiyi “Gözəlləmə”, “Yanıq Kərəm” və digər musiqi nümunələrimiz iştirakçılar tərəfindən alqışlarla qarşılanıb.
Muztv.az xəbər verir ki, tədbirdə Tokioda yaşayan azərbaycanlı Sura Mirzəyeva ölkəmiz, onun coğrafi mövqeyi, dövlət atributları, zəngin mədəniyyəti və mətbəxi haqqında məlumat verib. Qeyd edib ki, öz keyfiyyəti ilə seçilən və bütün dünyada “Made in Azerbaijan” brendi ilə tanınan bir çox ərzaq məhsulları və içkilər artıq Yaponiya bazarında da özünə yer tutur.
Sonra tədbir iştirakçıları ilə birlikdə Azərbaycan mətbəxinin dadlı nümunələrindən olan küftə-bozbaş və kök salatı hazırlanıb. Qədim və zəngin Azərbaycan mətbəxinin bu nümunələrinin hazırlanması qaydası və lazım olan inqrediyentlər barədə yapon xanımlara ətraflı məlumat verilib. Daha sonra yapon xanımların iştirakı ilə hazırlanan küftə-bozbaş və kök salatı qonaqlara təqdim edilib. Yeməyin tamına baxanlar onun çox dadlı olduğunu və ilk dəfə belə bir yeməklə qarşılaşdıqlarını söyləyiblər. Yapon musiqiçisi Kiyoşi Ohira həmin axşam restoranın qonaqları üçün Azərbaycan milli musiqi alətləri olan tarda və sazda xalq və bəstəkar mahnılarını ifa edib.
Çıxış etməzdən əvvəl o, Azərbaycan musiqisi, milli alətlərimiz, o cümlədən tar və saz haqqında iştirakçılara məlumat verib. K.Ohiranın tarda səsləndirdiyi “Bayatı-Şiraz”, “Sarı gəlin”, sazda ifa etdiyi “Gözəlləmə”, “Yanıq Kərəm” və digər musiqi nümunələrimiz iştirakçılar tərəfindən alqışlarla qarşılanıb.