İçərişəhərdə gənc rəssamların əsərləri sərgilənəcək

Dekabrın 12-də “Arts Council Azerbaijan” təşkilatının təşəbbüsü ilə “Art Tover” qalereyasında rəsm sərgisi açılacaq.

Muztv.az xəbər verir ki, “Start” layihəsi çərçivəsində gerçəkləşəcək sərgi Mədəniyyət və Turizm Nazirliyi, “İçərişəhər” Dövlət Tarix-Memarlıq Qoruğu İdarəsi və Azərbaycan Gənclər Şəbəkəsinin dəstəyi ilə təşkil olunacaq.

Gənc və həvəskar rəssamların inkişafı üçün nəzərdə tutulan sərgisinin kuratoru Natalya Yarkovayadır. Sərgidə fırça ustalarının fərqli üslubda və texnikada işlənən sənət əsərləri- rəngkarlıq, qobelen və heykəltəraşlıq nümunələri nümayiş olunur.