“Cəhənnəm sakinləri” növbəti dəfə maraqla qarşılanıb - fotolar 

Azərbaycan Dövlət Akademik Milli Dram Teatrında mövsümün yeni tamaşası - “Cəhənnəm sakinləri” növbəti dəfə nümayiş olunub.

Muztv.az AZƏRTAC-a istinadən xəbər verir ki, Xalq Yazıçısı Elçin Əfəndiyevin eyniadlı pyesi əsasında hazırlanan səhnə əsərinin müəllifi, quruluşçu rejissoru və rəssamı Xalq Artisti Azər Paşa Nemət, rejissoru Anar Sadıqov, rejissor assistenti Dilbər İsmayılova, musiqi tərtibatçısı Kamil İsmayılovdur.

Yeni səhnə əsərində Xalq artistləri Məleykə Əsədova, Nurəddin Mehdixanlı Əməkdar artistlər Elşən Rüstəmov , Mirzə Ağabəyli, aktyorlar Vüsal Mustafayev, Elçin Əfəndi, Ləman İmanova, Rüstəm Rüstəmov, Rada Nəsibova, Ramin Şıxəliyev, Xədicə Novruzlu iştirak edib. Tamaşa aktyorların ifasında tamaşaçıya inandırıcı ştrixlərlə, olduqca maraqlı tərzdə çatdırılıb. Tamaşada Azər Dadaşovun musiqisindən istifadə edilib.

Tamaşanın maraqlı, zəngin səhnə dekorasiyası və aktyorların məharətli çıxışı səhnə əsərini daha da baxımlı edib, tamaşa maraqla qarşılanıb.