“Səslən tarım” - Xalq Artistinin 70 illik yubileyi
Ötən gün Beynəlxalq Muğam Mərkəzində tanınmış tarzən, Xalq Artisti, “Şöhrət” ordenli Ramiz Quliyevin 70 illik yubileyinə həsr edilmiş “Səslən tarım” adlı tədbir keçirilib.
Muztv.az xəbər verir ki, respublikanın tanınmış elm, mədəniyyət və incəsənət xadimlərinin iştirak etdikləri tədbir Mədəniyyət və Turizm Nazirliyi və “Mədəniyyət” kanalının birgə təşkilatçılığı ilə gerçəkləşib. Əvvəlcə sənətkarın həyat və yaradıcılığından bəhs edən videoçarx nümayiş olunub.
Tarzənın oğlu, Əməkdar Artist Əyyub Quliyev çıxış edərək ailəsi adından tədbirin təşkilində əməyi keçən hər kəsə təşəkkürünü bildirərək sənətkarın musiqi mədəniyyətimizin inkişafındakı xidmətlərindən söz açıb. O deyib ki, Ramiz Quliyev dünyanın ən məşhur konsert salonlarında tanınmış orkestrlərlə eyni səhnəni bölüşərək dinləyicilərin qəlbinə yol tapıb. Görkəmli tarzənin həmişə olduğu kimi, bu gün də yorulmaz ifaçılıq fəaliyyəti ilə bərabər, pedaqoji sahəyə də böyük qüvvə sərf etdiyi vurğulanıb.
Daha sonra tədbir konsert proqramı ilə davam edib. Konsertdə respublikamızın tanınmış ifaçıları tərəfindən xalq və bəstəkar mahnıları səsləndirilib. Gecədə ifaçıları Xalq Artisti Adil Bağırovun bədii rəhbərliyi ilə Əhsən Dadaşov adına “Xatirə” Xalq Çalğı Alətləri Ansamblı müşayiət edib.
Muztv.az xəbər verir ki, respublikanın tanınmış elm, mədəniyyət və incəsənət xadimlərinin iştirak etdikləri tədbir Mədəniyyət və Turizm Nazirliyi və “Mədəniyyət” kanalının birgə təşkilatçılığı ilə gerçəkləşib. Əvvəlcə sənətkarın həyat və yaradıcılığından bəhs edən videoçarx nümayiş olunub.
Tarzənın oğlu, Əməkdar Artist Əyyub Quliyev çıxış edərək ailəsi adından tədbirin təşkilində əməyi keçən hər kəsə təşəkkürünü bildirərək sənətkarın musiqi mədəniyyətimizin inkişafındakı xidmətlərindən söz açıb. O deyib ki, Ramiz Quliyev dünyanın ən məşhur konsert salonlarında tanınmış orkestrlərlə eyni səhnəni bölüşərək dinləyicilərin qəlbinə yol tapıb. Görkəmli tarzənin həmişə olduğu kimi, bu gün də yorulmaz ifaçılıq fəaliyyəti ilə bərabər, pedaqoji sahəyə də böyük qüvvə sərf etdiyi vurğulanıb.
Daha sonra tədbir konsert proqramı ilə davam edib. Konsertdə respublikamızın tanınmış ifaçıları tərəfindən xalq və bəstəkar mahnıları səsləndirilib. Gecədə ifaçıları Xalq Artisti Adil Bağırovun bədii rəhbərliyi ilə Əhsən Dadaşov adına “Xatirə” Xalq Çalğı Alətləri Ansamblı müşayiət edib.