Virtuoz tarzən Həmid Vəkilovun yaradıcılıq gecəsindən reportaj
Beynəlxalq Muğam Mərkəzində Azərbaycan Milli Konservatoriyasının dosenti, Əməkdar Artist, virtuoz tarzən Həmid Vəkilovun yaradıcılıq gecəsi keçirilib.
Muztv.az xəbər verir ki, Beynəlxalq Muğam Mərkəzinin və “Mədəniyyət” kanalının birgə layihəsi çərçivəsində reallaşan tədbirin aparıcılığını sənətşünaslıq üzrə fəlsəfə doktoru Səadət Təhmirazqızı edib.
Musiqili gecəyə başlamazdan əvvəl səbəbkar Həmid Vəkilov onun üçün gələn hər kəsə təşəkkürünü bildirib. Yaradıcılıq gecəsində Xalq Artisti, tarzən Möhlət Müslümov və Xalq Artisti, kamança ifaçısı Şəfiqə Eyvazova sənətkarın yaradıcılığından, Azərbaycan musiqisinə verdiyi töhfələrdən söz açıblar. Xalq Artisti, Professor, Azərbaycan Milli Konservatoriyasının rektoru Səyavuş Kərimi səhnəyə çıxaraq Həmid Vəkilovun tar ifaçılığında inqlabçı olduğunu bildirib. Daha sonra sənətkarın “Çılğın”, “Şıdırğı” və s mahnıları tələbələrinin ifasında səsləndirilib.
Xatırladaq ki, H.Vəkilov Azərbaycan tarına bir sıra texniki yeniliklər əlavə edərək onu daha da təkminləşdirən sənətkarlardandır.
Bu barədə süjetimizə noyabrın 15-da MUZ TV Azərbaycan kanalında efirə gedəcək "Muz Life" verilişində baxa bilərsiniz.
Muztv.az xəbər verir ki, Beynəlxalq Muğam Mərkəzinin və “Mədəniyyət” kanalının birgə layihəsi çərçivəsində reallaşan tədbirin aparıcılığını sənətşünaslıq üzrə fəlsəfə doktoru Səadət Təhmirazqızı edib.
Musiqili gecəyə başlamazdan əvvəl səbəbkar Həmid Vəkilov onun üçün gələn hər kəsə təşəkkürünü bildirib. Yaradıcılıq gecəsində Xalq Artisti, tarzən Möhlət Müslümov və Xalq Artisti, kamança ifaçısı Şəfiqə Eyvazova sənətkarın yaradıcılığından, Azərbaycan musiqisinə verdiyi töhfələrdən söz açıblar. Xalq Artisti, Professor, Azərbaycan Milli Konservatoriyasının rektoru Səyavuş Kərimi səhnəyə çıxaraq Həmid Vəkilovun tar ifaçılığında inqlabçı olduğunu bildirib. Daha sonra sənətkarın “Çılğın”, “Şıdırğı” və s mahnıları tələbələrinin ifasında səsləndirilib.
Xatırladaq ki, H.Vəkilov Azərbaycan tarına bir sıra texniki yeniliklər əlavə edərək onu daha da təkminləşdirən sənətkarlardandır.
Bu barədə süjetimizə noyabrın 15-da MUZ TV Azərbaycan kanalında efirə gedəcək "Muz Life" verilişində baxa bilərsiniz.