İrəvan Teatrının qastrolu yekunlaşdı

Bu il 137-ci teatr mövsümünü yaşayan və dövlət statusu almasının 90 ili tamam olan İrəvan Dövlət Azərbaycan Dram Teatrı dekabrın 19-dək Quba, Sabirabad, Laçın (Taxta körpü), İmişli və Samux rayonlarında qastrol səfərində olub.

Mtv.az xəbər verir ki, bu barədə teatrın mətbuat katibi Teymur Bayramov məlumat verib.

Bildirib ki, yerli icra hakimiyyəti orqanlarının təşəbbüsü ilə gerçəkləşən qastrol səfərində teatrın kollektivi şair-dramaturq İftixarın “Soyqırımı tarixinin dastanı” tamaşası ilə çıxış edib. Tamaşa Azərbaycanın Milli Qəhrəmanı Mübariz İbrahimovun əziz xatirəsinə ithaf olunub.

Tamaşanın quruluşçu rejissor, tərtibatçı rəssam və xoreoqrafı, Əməkdar mədəniyyət işçisi İftixar Piriyev, bəstəkarı Muxtar Abseynov, rejissor assistenti Bəhruz Hikmətoğlu, musiqi tərtibatçısı Çingiz Xəlilovdur.

Rolları aktyorlar Natiq Həziyev, Əmrulla Nurullayev, Müdvər Nemətova, Niyaməddin Səfərəliyev, Şəbnəm Cəbrayılova, Rövşən Cəfərov, Ruhiyyə Eyvazova, Sevinc Hüseynova, Güney Əliyeva, Gültac Əsgərova, Səbinə İmamverdiyeva, Arzuman Tanrıverdiyev və Bəhruz Hikmətoğlu ifa ediblər.

Səhnə əsəri erməni quldurlarının XX əsrin əvvəlində Azərbaycan xalqına qarşı törətdikləri soyqırımını əks etdirir.