“İblis” İstanbulda tamaşaya qoyulur - foto
İstanbulda görkəmli Azərbaycan dramaturqu Hüseyn Cavidin “İblis” əsəri tamaşaya qoyulur.
Mtv.az xəbər verir ki, tamaşa İstanbul Şəhər Teatrları və Beynəlxalq Türk Mədəniyyəti və İrsi Fondunun təşkilati dəstəyi ilə hazırlanır.
Tamaşanın quruluşçu rejissoru Azərbaycanın Əməkdar incəsənət xadimi, İstanbul Şəhər Teatrlarının direktor müavini Məlahət Abbasova, əsərin mətnini müasir türk dilinə uyğunlaşdıran dramaturq Hilmi Zəfər Şahin, baş məsləhətçisi isə filologiya üzrə fəlsəfə doktoru Sona Vəliyevadır.
Tamaşada baş rollarda Türkiyənin tanınmış aktyorlarından olan Rıdvan Çələbi, Əmrə Narcı, İskəndər Bağcılar, Şenay Bağ, Nurseli Tırışkan və Çağatay Palabıyık iştirak edirlər.
Səhnə əsərinin musiqisi xüsusi olaraq bu tamaşa üçün Azərbaycanın Xalq artisti, bəstəkar Aygün Səmədzadə tərəfindən bəstələnib.
Bu tamaşada ilk dəfə olaraq “Maping” 3D işıq cihazlarından istifadə ediləcək. İstanbulun teatr səhnələri üçün ilk olan, kino effekti ilə seçilən bu qurğunun tamaşaya xüsusi görkəm verəcəyi gözlənilir.
Hazırda məşqləri davam edən səhnə əsərinin mart ayında tamaşaçılara təqdim olunması planlaşdırılır.
Xatırladaq ki, Məlahət Abbasova bir neçə gün əvvəl İstanbul Böyükşəhər Bələdiyyəsinin sədri Mövlud Uysal tərəfindən İstanbul Teatrları üzrə idarə heyətinin altı üzvündən biri seçilib.
Mtv.az xəbər verir ki, tamaşa İstanbul Şəhər Teatrları və Beynəlxalq Türk Mədəniyyəti və İrsi Fondunun təşkilati dəstəyi ilə hazırlanır.
Tamaşanın quruluşçu rejissoru Azərbaycanın Əməkdar incəsənət xadimi, İstanbul Şəhər Teatrlarının direktor müavini Məlahət Abbasova, əsərin mətnini müasir türk dilinə uyğunlaşdıran dramaturq Hilmi Zəfər Şahin, baş məsləhətçisi isə filologiya üzrə fəlsəfə doktoru Sona Vəliyevadır.
Tamaşada baş rollarda Türkiyənin tanınmış aktyorlarından olan Rıdvan Çələbi, Əmrə Narcı, İskəndər Bağcılar, Şenay Bağ, Nurseli Tırışkan və Çağatay Palabıyık iştirak edirlər.
Səhnə əsərinin musiqisi xüsusi olaraq bu tamaşa üçün Azərbaycanın Xalq artisti, bəstəkar Aygün Səmədzadə tərəfindən bəstələnib.
Bu tamaşada ilk dəfə olaraq “Maping” 3D işıq cihazlarından istifadə ediləcək. İstanbulun teatr səhnələri üçün ilk olan, kino effekti ilə seçilən bu qurğunun tamaşaya xüsusi görkəm verəcəyi gözlənilir.
Hazırda məşqləri davam edən səhnə əsərinin mart ayında tamaşaçılara təqdim olunması planlaşdırılır.
Xatırladaq ki, Məlahət Abbasova bir neçə gün əvvəl İstanbul Böyükşəhər Bələdiyyəsinin sədri Mövlud Uysal tərəfindən İstanbul Teatrları üzrə idarə heyətinin altı üzvündən biri seçilib.