"Vicdan haqqı"ndakı obrazım partlayış oldu..."

"Vicdan haqqı"ndakı obrazım partlayış oldu..."
"Pərvanələrin rəqsi"ndə məşhurlaşdım. "Vicdan haqqı"ndakı obrazım isə partlayış oldu. Mənim ailəm isə buna xələl gətirmək istədi. Amma ağ vərəq palçıq götürmür. Nə qədər onu atsalar da, olmadı".


Mtv.az xəbər verir ki, bu sözləri aktrisa Sonaxanım Vəliyeva deyib.

O, mərhum anası ilə yaşadığı qalmaqaldan danışıb. Sonaxanım bildirib ki, anasına görə polis idarələrinə, məhkəmələrə düşüb:

"Verilişlərin birində məndən xəbərsiz zərf gəldi. Cavab verdim ki, gizlədəcək heç nəyim yoxdur. Orada açıqladılar ki, ananızla məhkəməlik olmusunuz. İki gün sonra yazdılar ki, Sonaxanım anasından imtina edib. Məcbur açıqlama verdim ki, etməmişəm. Nə ailə qurdum, nə bir şey. Anamı nə incitmişəm, nə güldən ağır söz demişəm. Polisə məni verdi, ona bir güldən ağır söz də deməmişəm. Polis idarələrinin, məhkəmələrin qarşısında bir dəfə ona nəsə demədim".