Üzlərdə gülüş yaradan Xalq artistinin anım günüdür
Dərsdən qaçıb hind filmlərinə baxmaq üçün kinoteatra gedərdi, kinoya o qədər marağı var idi ki, 12 yaşında aktyorluq kurslarına yazılmışdı…
O, Bununla da Azərbaycan incəsənəti yeni bir ad, özünəməxsus bir aktyor qazanmışdı.
Telman Adıgözəlov 1953-cü ildə Balakəndə dünyaya göz açıb. 56 illik qısa ömrünü dolu-dolu yaşamağı bacaran aktyor, ömrünün 35 ildən çoxunu sənətinə fəda edib. Əvvəlcə “Evrika” verilişində fantastik səhnələrə çəkilən sənətçi sonralar “Yaşıl eynəkli adam”, “ Ordan-burdan”, “Qonşular”, “Nəsimi”, “Üzü küləyə”, “Anlamaq istəyirəm” kimi ekran işlərində rol alıb.
Daim, kimsəsiz insanlar üçün tamaşalar hazırlamaq, onlar üçün sığınacaqlar tikmək arzulayan Adıgözəlova təəssüf ki, ömür vəfa etmədi. Aktyor 56 yaşında dünyaya gözlərini əbədi yumub, ondan geriyə isə özünəməxsus obrazları və iki övladı qalıb.
Üzlərdə gülüş yaradan Telman Adıgözəlov hər zaman sevgi ilə xatırlanır.