Aktyori itkilərə məruz qalıb

"Amazon MGM" studiyası “Qırmızı”ı filminin çəkilişlərinə gecikən aktyor Dueyn Consona görə əhəmiyyətli itkilərə məruz qalıb.

Şirkətin xərcləri 50 milyon dollar təşkil edib və bu səbəbdən filmin premyerası 2023-cü ilin sonundan 2024-cü ilin noyabrına təxirə salınıb. Layihənin büdcəsi Dueyn Consonun daimi gecikmələri səbəbindən 250 milyon dollara çatıb.

Consonun müntəzəm olaraq çəkilişlərə zamanında gəlmədiyi, vaxtaşırı 7-8 saat gecikdiyi deyilir. 

Xatırladaq ki, daha əvvəl də aktyorun rol aldığı “Qırmızı bildiriş” döyüş filminin çəkiliş qrupu da oxşar hal barədə danışmışdılar.