Model brendi məhkəməyə verib

Məşhur model Bella Hadid məşhur "Adidas" brendini məhkəməyə verib.

Buna səbəb brendin onun yer aldığı qalmaqallı reklamı silməsi olub. Bu haqda TMZ məlumat yayıb. Nəşrin məlumatına görə, supermodel artıq qarşıdakı məhkəmə prosesinə hazırlaşmağa başlayıb və bu məqsədlə vəkillər cəlb edib. O, brendi qəddar və dağıdıcı kampaniya başlatdığına, eləcə də onu qalmaqala cəlb etdiyinə görə məsuliyyətə cəlb etməyi planlaşdırır.

Lakin məşhur hələ də "Adidas" ilə müqaviləsini ləğv etməyib. 

Xatırladaq ki, 27 yaşlı model "Adidas" tərəfindən 1972-ci ildə Münhen Olimpiadası üçün yaradılmış SL 72 idman ayaqqabısı xəttinin yenidən satışa çıxarılmasını reklam etmişdi. Həmin Oyunlarda Fələstinin “Qara Sentyabr” terror təşkilatı İsrail komandasının 11 üzvünü və bir yerli polisi öldürüb. Bella Fələstin-Hollandiya köklərinə malik olduğundan, "Adidas" tənqid edib və Amerika Yəhudi Komitəsi hətta markadan şikayət edib.

Nəticədə brend üzr istəməli olub. Onlar həmçinin hərəkətlərinin mənfi nəticələri ilə məşğul olmaq məcburiyyətində olduqları üçün Belladan üzr istəyiblər.

Bundan əvvəl Bella Hadid HƏMAS-ın Qəzza zolağı ilə həmsərhəd İsrail ərazilərinə hücumları ilə bağlı mövqeyinə görə karyerasında artıq problemlərlə üzləşmişdi. Beləliklə, 2023-cü ilin noyabrında "Dior" onunla əməkdaşlığı dayandırıb.