Modelyer haqqında serial çəkiləcək

"Netflix" platforması dünyaca məşhur keçmiş futbolçu Devid Bekhemin həyat yoldaşı, modelyer Viktoriya Bekhem haqda sənədli serial üzərində işləyir.

Hələ adı açıqlanmayan layihə Viktoriyanın 1990-cı illərin musiqi super ulduzundan müasir moda ustasına qədər olan səyahətindən bəhs edəcək.

Modelyerin özü, ailə üzvləri, eləcə də dostları və həmkarları serialda yer alacaqlar.

Layihənin prodüserliyini onun əri Devid Bekhemin daha əvvəl “Bekhem” sənədli filmini çəkən "Studio 99" şirkəti edəcək.

Xatırladaq ki, Viktoriya keçmiş "Spice girls" qrupunun üzvüdür.