Keti Beyts aktrisalıq etməyəcək

"Titanik" filminin aktrisası Keti Beyts karyerasını sonlandırır.

O, “The New York Times” qəzetinə müsahibəsində bildirib.

Aktrisa adını açıqlamadığı filmdəki rolundan sonra artıq aktrisalıq etməyəciyini qeyd edib.

Xatırladaq ki, Beyts karyerasına 1970-ci illərdə başlayıb. O, "Oskar" qazandığı Stiven Kinqin "Mizeri" filmindəki "Enni Uilks" rolu ilə populyarlıq qazanıb. Aktrisa bundan sonra 150-dən çox əsərdə rol alıb. Ən məşhurları arasında isə “Titanik”, “Amerika dəhşət hekayəsi”, “Ofis”, “İki yarım kişi”, “Şmidt haqqında”, “Evdəki müharibə”, “Qızardılmış yaşıl pomidor”, “Aclıq sinfinin lənəti” var.