Selena sədəqəyə görə tənqid edilib

Məşhur müğənni-aktrisa Selena Qomez evsiz adama verdiyi sədəqəyə görə tənqid edilib.

İfaçı Nyu-Yorkda restoranlardan birinin yaxınlığından keçərkən dilənən şəxsə mühafizəçisindən ona pul verməsini istəyib. Mühafizəçi evsiz şəxsə 20 dollar verib, Selena isə ona xoş yemək yeməyi arzulayıb.

Adı milyarderlər sırasında hallanan Selenanın köməyə ehtiyacı olan birinə bu qədər az pul verməsi sosial media izləyiciləri tərəfindən tənqid olunub.

Hətta bəzi sosial media istifadəçiləri insanları müğənninin qazancını azaltmaq üçün onun gələcək konsertlərinə bilet almaqdan imtina etməyə çağırıblar.