Zibillikdə qədim heykəl tapılıb

Yunanıstanda zibillikdə 2000 illik heykəl tapılıb.

32 yaşlı yunan Saloniki şəhəri yaxınlığındakı zibillikdə antik heykəl aşkarladığı barədə hüquq-mühafizə orqanlarına məlumat verib.

Heykəl qara rəngdə plastik torbanın içində olub. Təxminən 80 sm hündürlüyündə olan heykəlin başı və qolu yoxdur.

Mütəxəssislər heykəlin Ellinizm dövrünə, eramızdan əvvəl 323-cü ilə aid olduğunu müəyyən ediblər. Heykəlin o dövrün tanrıçalarından birinə məxsus ola biləcəyi bildirilsə də, qolların və başın olmaması dəqiq kimin təsvir edildiyini müəyyən etməyə imkan vermir.

Heykəli kimin ora atdığı isə araşdırılır.