Aktyor qara kəmər ilə təltif olunub
Dünyaca məşhur aktyor Ceki Çan rəsmi olaraq karate üzrə qara kəmər ilə təltif olunub.
Bu barədə Dünya Karate Federasiyası öz saytında məlumat yayıb.
Təltifetmə mərasimi Nyu-Yorkda “Karate Kid: Əfsanələr” filminin premyerası zamanı baş tutub. Ceki Çanla yanaşı, filmin digər aktyoru Ralf Makkio da qara kəmərlə təltif olunub.
Qara kəmərləri aktyorlara Dünya Karate Federasiyasının baş katibi Toşihisa Naqura təqdim edib.
Mərasimdə həmçinin ABŞ çempionu və Olimpiya iştirakçısı Tomas Skott da iştirak edib.